Eru íslendingar mjög spéhræddir?
Ég tók eftir því að skopstæling er ekki sérstaklega vernduð í höfundaréttarlögum. Frekari rannsókn leiddi í ljós að skopstæling er ekki heldur, andstætt því sem ég hélt, sérstaklega vernduð í bandarískum lögum, heldur hefur hæstiréttur sett það fordæmi að slíkt háð sé undanskilið einkarétti á framleiðslu afleiddra verka.
Nú þykir það ekkert óeðlilegt að gera t.d. grín að auglýsingum í áramótaskaupi sjónvarpsins? Er svo að skilja að það sé ekki strangt til tekið löglegt? Veit einhver til þess að hæstiréttur á íslandi hafi dæmt eitthvað svipað þeim bandaríska, eða er þetta ennþá eitthvað sem bíður prófs?
2 ummææli við “Eru íslendingar mjög spéhræddir?”
Mig minnti einmitt líka að háð væri sérstaklega verndað í bandarískum lögum en það gæti verið misskilningur minn síðan að ég sá þessa mynd en þar er Larry Flint sýknaður af ákæru Jerry Falwell um brot á höfundarétti.
Ég veit ekki til þess að dæmt hafi verið á íslandi á svipaðan hátt, en mér skilst að sömu forsendur séu fyrir því.
15 gr. höfundaréttalaga segir "Þegar flutningur eða sýning verks er þáttur í dægurviðburði, sem kynntur er almenningi í útvarpi eða kvikmynd, er heimilt að láta einstaka þætti úr verkinu fylgja með í sýningu viðburðarins eða frásögn af honum."
Minn skilningur á þessu hefur verið að háð sé ákveðið form af "samfélag umfjöllun" og notkun á höfundaréttar vernduðum verkum í njóti því sömu verndar og fréttir, greinar, skopmyndir og aðrir "dægurviðburðir" virðast njóta.
-Addi
Addi skrifaði 28.8.2007 22:13
Svo maður taki þátt í dylgjunum hjá þér, þá má ekki heldur gleyma því að það er regin munur á skopstælingu/stílfærslu á höfundarréttarvörðu efni, og hreinni, staf fyrir staf afritun á því frá upphafi til enda.
Már skrifaði 29.8.2007 11:12