Framsóknarflokkurinn
Ég hef löngum velt fyrir mér Framsóknarflokknum. Það er undarlegt með þann stjórnmálaflokk að hann fær alltaf eitthvað fylgi í hverjum kosningum, en samt þekki ég ekki nokkurn mann sem er tilbúinn til þess að játa á sig framsóknarmennsku.
Í ölvun okkar á föstudaginn áttum við nokkrir leið inn á framsóknarsamkomu. Við vorum þangað komnir til þess að hitta félaga okkar sem var að vinna þar. En á leiðinni rann það upp fyrir mér að þetta gæti verið flóknara en flótt væri á litið.
Hvað ef ég hitti einhvern sem ég þekki?
Það væri svipað og að álpast inn á hommabar og hitta einhvern sem þú þekkir þar. Næst þegar þið hittist, þá teljið þið báðir ykkur vita meira um hvorn annan en hóflegt er.
Enda var það þannig að þegar einn okkar hitti kunningja sinn á staðnum þá gripu þeir hvor í annan og sóru að þeir væru ekki framsóknarmenn.
Ég þekki ótal manns sem hata og fyrirlíta flokkinn af ástríðu. Það vantar ekki. En að finna yfirlýsta framsóknarmenn, það er ekki svo auðvelt. Framsóknarmenn eru framsóknarmenn á laun.
4 ummææli við “Framsóknarflokkurinn”
Ég vissi að þú værir bi-curious í stjórnmálaskoðunum þínum! Annars get ég ímyndað mér að enginn sé í raun og veru harður Frammari. Fólk kýs X-B afþví það getur ekki hugsað sér að kjósa neitt annað þegar á hólminn er komið. Þess vegna segist enginn kjósa Bé-ið þegar gengið er á hann... Svo finnst mér ákveðin mótsögn í því að vera "harður Framsóknarmaður". Það er soldið eins og að vera öfgasinnaður jafnaðarmaður... "VIÐ VILJUM MÁLAMIÐLANIR, OG MUNUM ALDREI GEFA ÞAÐ EFTIR!!!"
Bassastingurinn skrifaði 16.5.2006 16:11
Ég er ekkert bi-curious neitt. Það hefur aldrei verið neitt leyndarmál að ég er hneigður að anarkyninu.
Það er óhugnarleg, sú mynd sem þú dregur upp, að fólk kjósi Framsókn vegna þess að það sé annað hvort óákveðið eða ósátt með aðra flokka.
Ég vil ekki trúa því að fólk telji Framsóknarflokkinn ill-skásta kostinn. Það getur bara ekki verið. Það er eins og að hafa val um drykkina: Lýsi, vodka í mjólk, arsenik, eða ekkert... og velja samt arsenikið. :-P
Borgar skrifaði 16.5.2006 18:50
Mmmmm, vodka í mjólk.
Herra BRE skrifaði 18.5.2006 11:49
Á Eyjarfjarðarsvæðinu, þar sem ég ólst upp, er fólk orðið nokkuð visst um að framsóknarmennska sé genagalli sem skýtur ekki upp kollinum fyrr en fólk er komið inní kjörklefana. Það vita það samt kannski færri, að ég var alinn upp af fjölskyldunni minni til að útrýma Framsókn. Þetta var allt master plott hjá pabba þegar hann og Ólafur Ragnar sögðu sig úr framsókn á sínum tíma.. Nú er ég búinn að sanka að mér nógu mikilli þekkingu í líftækni og tölvunarfræði til að einangra genið sem gerir mann að Framsóknarmanni.. og mun því getað fundið þetta fólk og læknað það af þessum hræðilega sjúkdómi. Auk þess plana ég að raðgreina tómat.. og sanna það í eitt skipti fyrir öll að þetta er ávöxtur, en ekki grænmeti!
Málið er samt að Björn Ingi er anti-kristur í þessari kosningarbaráttu. Hann VERÐUR að komast inn útaf því að Sjálfstæðisflokkurinn á bara lítinn möguleika á hreinum meirihluta; þeir voru með 8 menn síðast, en 25% voru óákveðnir. Kosningahegðun íslendinga er þannig að fæstir sem eru óákveðnir kjósa Sjálfstæðisflokkinn, og því er mjög líklegt (miðað við síðustu könnun) að þetta færi VG 2, Samfylkingin 6 og Sjálfstæðisflokkurinn 7.. sem þýðir VG og Samfó borgarstjórn.
Þess vegna er til endalaust af peningum fyrir ex bé.. og líka útaf því að Sjálfstæðisflokkurinn telur að ex bé getið höggið verulega á fylgi fyrrum R-Lista flokka ef þeir auglýsa nóg. Þeir menn sem þegar hafa fengið fyrirgreiðslu hjá Birni Inga, eða sjá fyrir sér að fá t.d. góðar lóðir ef X-D / X-B komast að, eiga líka bara helvíti mikla peninga. Það fyndna við þetta allt er svo bara að Frjálslyndir eiga meiri séns á manni inn en Framsókn. Ef þeir koma vel útúr næstu könnun, þá er líklegt að Mogginn, Blaðið og Rúv muni poppa þá andskoti mikið upp nú síðustu vikuna til þess að redda málunum.
Jónas Tryggvi skrifaði 18.5.2006 19:00