Auðvitað veistu alltaf best;
enginn má þér betur.
Hæglega gætirðu fengist við flest,
og fátt sem þú ekki getur.
Og víst eru flísarnar fáeinar
faldar í augunum mínum;
hvassir breyskleikans borteinar
byrgja mér jafnan sýnum.
En áður en aumum er úthlutað
aftöku og plássi á haugum,
reyndu þá gæskan að gæta að
gólfefni í eigin augum.
Þú ert að lesa "Margur heldur mig sig", grein á Vox Sobria.
Sent klukkan:
29. 3. 2005 17:29.
Höfundur:
Borgar.
Flokkað sem:
Ljóð og vísur.
Varanleg slóð á þessa grein er:
http://borgar.undraland.com/s/2005/03/margur-heldur-mig-sig/
