Forseti Íslands tilvonandi?

Jonni spurði mig síðdegis í gær hvort að ég vildi ekki kíkja með sér á smá Stuðmanna gigg? Tjú, alveg eins segi ég, án þess að hafa hugmynd um hvað ég var að fara að sjá…

Kom í ljós að Stuðmenn voru semsagt með einskonar yfirlits tónleika í þjóðleikhúsinu. Þau spiluðu úrval gamals efnis ásamt nokkrum nýjum lögum. Ég var sæmilega ánægður með lagavalið en bandið stikklaði á stóru í gegnum alla þessa bílfarma af dóti sem þau eiga til… Af mínum uppáhalds má nefna Á skotbökkum, Söngur Fjallkonunar og Mikki.

Bandið var í banastuði með auka píanista, jóðlara (!), percussion leikara, borgardætur í bakröddum o.s.frv… Skotheldur flutningur algerlega.

Svo glotti Jonni bara þegar ég var gjörsamlega að fríka út yfir þessu öllu… Ég er ennþá í góðum fíling - búinn að vera að spila Stuðmannaplötur í allan dag. Jonni, ef þú ert að lesa; (úúú, ofsa ertu góður gæi…) Takk kærlega fyrir mig!